‘n Viering van Afrikaans se 100ste bestaansjaar met sopraan en klavier

Teresa de Wit en Lesley-Ann Matthews is vir die 5de keer saam op die verhoog in hul reeks ‘Most beautiful songs’ en vanjaar is dit met die ‘Mooiste Afrikaanse liedere’ om Afrikaans se 100ste bestaansjaar as amptelike taal te vier. Die Odeion in Bloemfontein is gasheer vir die viering op die 8ste Mei en kaartjies is beskikbaar by Quicket. Liedjies waarna die gehoor kan uitsien is onder andere van Laurika Rauch, Stephanus le Roux, Koos du Plessis, Pieter de Villiers en Koos Kombuis. Teresa de Wit sluit by Yolanda Maartens aan in die OFM Kunsteklop om te gesels oor die besonderse viering.