Natapos Na

What this episode covers

Sermon Title: NATAPOS NA Sermon Text: MARCOS 15:33-41 Sermon Series: ANG SUGILANON SA KASAKIT: GIKAN SA PAGLUIB NGADTO SA KRUS By: PTR MATIAS MAHUSAY SR. Marcos 15:33-41 (APD) Ang Pagkamatay ni Jesus (Mat. 27:45-56; Luc. 23:44-49; Juan 19:28-30) 33 Sa dihang miabot ang alas dose sa udto, mingitngit ang tibuok kayutaan hangtod alas tres. 34 Ug sa pagka-alas tres sa hapon misinggit si Jesus sa makusog, “Eloi, Eloi lema sabactani?” nga ang buot ipasabot, “Dios ko, Dios ko, nganong gipasagdan mo ako?” 35 Sa pagkadungog sa ubang nanindog didto miingon sila, “Paminawa! Gitawag niya si Elias.” 36 Diha-diha midagan ang usa ka tawo ug mikuha ug espongha ug gituslob niya sa aslom nga bino. Gibutang niya kini sa tumoy sa usa ka kahoy aron masupsop ni Jesus. Miingon siya, “Tan-awon nato kon moabot ba si Elias sa pagkuha kaniya sa krus.” 37 Misinggit sa makusog si Jesus ug nabugto ang iyang gininhawa. 38 Sa mao usab nga oras, napikas ang tabil sulod sa templo sa Jerusalem gikan sa ibabaw paubos. 39 Ang kapitan sa mga sundalo nga nagtindog sa atubangan sa krus nakakita sa pagkabugto sa gininhawa ni Jesus. Miingon siya, “Tinuod gayod nga kining tawhana mao ang Anak sa Dios!” 40 Didto sa layo adunay mga babaye nga nanglantaw sa nahitabo. Kauban nila si Salome, si Maria nga taga-Magdala, ug si Maria (nga inahan ni Jose ug ni Santiago nga iyang manghod). 41 Kini sila miuban ug mitabang kang Jesus sa didto pa siya sa Galilea. Didto usab ang uban pa nga mga babaye nga nakauban kang Jesus sa Jerusalem. KINATIBUK-AN SA WALI I. Ang Gibyaan Si Jesus gibiyaan aron dili kita ang biyaan. Kung imong gibutang ang imong pagsalig kang Jesu-Kristo, dili ka na kinahanglan nga mosinggit, “Dios ko, nganong gibiyaan mo ako?” Gikuha na ni Jesus kana nga kangitngit aron ikaw ug ako makalakaw sa walay katapusan nga kahayag. II. Ang Pagkagisi Gigisi ang tabil. Kompleto ang sakripisyo. Ang babag tali sa Diyos ug sa tawo permanenteng naguba. III. Ang mga Saksi Ang pangutana sa krus ngadto sa matag usa kanato mao ra ang pangutana nga giatubang sa centurion. Kinsa ang tawo nga anaa sa tunga nga krus para kanimo?

Distinct summary based on available episode metadata or transcript content.