Neda acolle as V Xornadas Micolóxicas de Viriato, unha viaxe ao fascinante mundo dos fungos e cogomelos

A Asociación Micolóxica Viriato, coa colaboración do Concello de Neda, organiza as V Xornadas Micolóxicas de Neda, unha actividade gratuíta de iniciación ao mundo dos fungos e dos cogomelos que se desenvolverá os dias 7 e 8 de novembro. O prazo de inscrición está aberto e as prazas son limitadas. O programa inclúe dúas sesións teóricas, que se celebrarán o venres na Casa das Palmeiras, entre as 19:00 e as 21:00 horas, e unha saída práctica de observación o sábado pola mañá, ben no parque micolóxico do Belelle. Durante as xornadas, os expertos da asociación explicarán as diferencias entre fungos e cogomelos, as súas características, modos de reprodución e tipoloxías, e ensinarán a identificar especies comestibles e tóxicas, acompañando as explicacións con mostras reais. As persoas interesadas poden anotarse ata o día anterior ao inicio da actividade chamando ao 981 390 233 (Biblioteca Municipal).