Never too late

Lahat ng tao ay tinawag upang magtrabaho o maglingkod para maging produktibo, kaya't lahat tayo ay binigyan ng Diyos ng mga talento at kakayahan na maaari nating magamit upang tayo ay umunlad at magtagumpay sa buhay. Sa ating panahon ngayon, mahalaga sa mga may-ari ng mga kumpanya na maging produktibo ang kanilang mga empleyado para maging sulit ang kanilang mga pasuweldo, ngunit sa ubasan ng Diyos, hindi ito ang Kanyang pamantayan. Siya ay puno ng habag, pang-unawa, pag-ibig at biyaya sa Kanyang mga tagasunod. Sa pagtawag sa atin ng Panginoon upang maglingkod sa kanyang ubasan, tayo ba ay tutugon? Sa paanong paraan natin ito gagawin? Ano ang kalakip na biyaya ng ating pagsunod? Tayo ay tinawag ng Diyos, sumunod ng walang pag-aalinlangan, kaya't tayo ay Kanyang pinagpala, at sa atin ay laging mayroong pusong mapagpasalamat.