Nobedadeak Eurekan: Garunaren Astea, Aste Santua, etab. - Bizkaia Irratia - Lau Haizetara

Hilabete hau jardueraz josia dugu. Garunaren Astearekin hasiko dugu. Mundu mailan ospatzen da eta, hemen BCBLrekin batera hartuko dugu guk parte. BCBLko ikerlariek haur eta helduei kontatuko diete neurozientzia zer den eta zertan egiten duten lan. Bestalde, nobedadeekin jarraituz, Plastinazio aretora iritsi den azken elementuaren inguruan ere aritu gara hizketan; eskeleto oso konplexu bat. Eta, nola ez, Aste Santua ere izan dugu mintzagai; programazio indartua, udaleku irekiak (txikientzako Zientzia Txokoa eta gaztetxoentzako Robotika Ikastaroa). Egin dezagun errepaso bat datorren guztia ezagutzeko.