O compositor compostelán, Fernando Buide, presenta os seus vindeiros concertos no Sombreiro.

Hoxe recibimos no Sombreiro a un dos mellores compositores composteláns do momento, Fernando Buide, quen ven falar das súas estreas para o mes de outubro, das que nos faremos eco, destacando a súa vindeira estrea do xoves 13 de outubro ás 20:30 no Auditorio de Galicia de Santiago, co gallo da inauguración da nova tempada da Real Filharmonía de Galicia; "Pasaxes" é a obra que intrerpretarán, baseada en textos do poeta galego Gonzalo Hermo e do inglés Edward Thomas, na voz da excepcional soprano Isabella Gaudí; a orquestra estará dirixida polo seu titular Paul Daniel. Un luxazo para non perder, aquí,en Compostela! Incorpórase de novo á nosa sección "O Marcapáxinas", o noso benquerido colaborador, Manuel Fernández, quen nos trae a Manhattan nos libros... Pilar Sampedro levará as tan necesarias recomendacións lectoras para infancia e mocidade en "De soños e gaiolas", e a música, como non, selección do noso convidado