O dúo formado por Hugo e Yhadira ten novo disco 'Galicia ao noso xeito'

O dúo formado por Hugo e Yhadira ten novo disco "Galicia ao noso xeito". Versionan temas clásicos como O tren e Anduriña e mestúranos coas súas propias composicións. Un disco pensado para que todo o mundo cante con eles as súas cancións, próximas, frescas e cheas do entusiasmo desta moza parella, que como din na súa canción "Enerxía Positiva" transmite precisamente iso. Están día a día preparando o seu camiño e loitando por abrirse un oco e alcanzar o éxito no panorama musical. Só precisan moita forza para seguir adiante e lograr novas metas. Nós apoiámolos dende o programa.