O III Foro dos Vivos reunirá cultura, tradición e territorio nos Camiños de Santo André en Porto de Cabo

O III Foro dos Vivos celebrarase o 30 de novembro de 2025 ás 11.00 horas na Capela Virxe do Camiño, en Porto de Cabo (Valdoviño), cun encontro centrado na tradición, o movemento e a conexión territorial arredor dos Camiños de Santo André de Teixido. O programa inclúe a mesa Historias e tradición no Camiño, con Loli Rubido, o investigador local Pepe Riola e a actriz e xestora cultural Soledad Felloza. A sesión Un camiño en movemento contará con Paula Garate (ASCM) e Sergio Muiño (eufundevivo.com). Ademais, representantes de concellos e institucións intervirán en Conexión no territorio. O acceso é libre e a organización ofrecerá carpa, caldo tradicional e produtos locais para degustar.