O Xeoparque Cabo Ortegal invita a gozar de novas experiencias xeoturísticas gratuítas do 17 ao 26 de outubro

O Xeoparque Cabo Ortegal continúa a ofrecer un amplo abanico de actividades gratuítas para achegar a riqueza natural, histórica e cultural da comarca a todos os públicos. Tras unha primeira quincena de outubro repleta de experiencias, os visitantes poderán seguir sumando aventuras na nova edición de actividades xeoturísticas que se desenvolverán do 17 ao 26 de outubro. Durante a primeira quincena, do 4 ao 12 de outubro, os participantes gozaron dun completo programa de actividades: Descubrindo as Pedras Sagradas, con Magdalena Fernández Rubido ⛪ Santo André de Teixido: foi de morto…, con Sergio Muíño Freire Descubrindo o Río Castro, con Magdalena Fernández Rubido Ruta ecuestre Cal da Loba, con Granxa do Souto Senda das ondas, con Pablo Paredes ⛵ Travesía en veleiro a Cabo Ortegal, con ¿QueresVela? Vía Ferrata Senda do Santo, con Cristina Leira de Guías Ceibe Ruta GR-55 e A Fusquenlla, con Cristina Leira de Guías Ceibe e Carmen Caizos de Ay!Carmen Conservas Ruta de San Xiao en barco, con MardOrtegal Agora, os amantes do xeoturismo teñen unha nova oportunidade para participar nestas experiencias únicas que combinan natureza, cultura e aventura nun dos paisaxes máis emblemáticos de Galicia. Para consultar o programa completo e reservar praza, os interesados poden facelo a través do enlace dispoñible na bio do Xeoparque Cabo Ortegal. Esta iniciativa está promovida pola Deputación da Coruña no marco do PSTD Proxecto Xeoparque Cabo Ortegal, con financiación dos fondos NEXTGENERATIONEU.