OI Andoni Azkargorta -Eibar-

Datorren denboraldian 1. Mailan ariko den taldearentzat ikuskatzaile lanak egingo ditu antzuolarrak. Armaginek kontrario izango dituzten taldeak aztertzea izango da Azkargortaren egitekoa. Azken denboraldietan Aloña Mendi entrenatzen ibili eta gero, hurrengo denboraldian atseden hartzeko asmoa zuen 36 urteko teknikariak. Ezin izan dio, ordea, halako eskaintza interesgarriari uko egin. Andoni Azkargortak maila nazionaleko entrenatzaile titulua du, eta ezagutzen du Eibarko kluba. Jubenil mailako bigarren taldearen entrenatzailea izan zen eta Gaizka Garitanori laguntzen ere ibili zen Eibarko bigarren taldean.