OI Oñatiko Duatloia 2014

Larunbat arratsaldean (15:30) Oñati Duatloiaren edizio berri bat ospatuko da. Oñatiko Triatloi Taldeak antolatuta, distantzia motzeko Gipuzkoako txapelketa ere jokuan izango da. Parte hartzaileek 10 km. (korrika), 40km. (bizikletan) eta 5km. (korrika) egin beharko dituzte Foruen Enparantzan kokatuta egongo den helmugara iristeko. Oñatiko duatloia, Euskal zirkuituko probarik nagusienetariko bat da eta larunbatean, hogeitahirugarren edizioa beteko du. Denboraldi honetan, Gipuzkoako lurraldean lehiatuko den lehen proba izango da eta era berean, Euskadiko zirkuituko distantzia motzeko aurrenekoa ere izango da. Gaineratu, Euskal zirkuituko bostgarren proba izango dela.