‘Om te bly hoop’ – Willie Nel en Isabel Arangies

’n Fees vir die oog, rus vir jou siel en vuurhout vir môre – dit is die plaas Moolmanshoek. Eienaar Willie Nel en Isabel Arangies, sy dogter, vertel hoe hulle aanhou boer. Johan Beukes gesels in dié episode van die Bly Boer-potgooi oor die herstelpad wat hulle op die plaas moes volg en hoe hulle deesdae ook “met mense boer”. In hierdie episode hoor jy meer oor: • die families wat deel van Moolmanshoek se storie is; • die struikelblokke wat die Nels moes oorkom; • die trauma van die brande; • waar hulle hoop vandaan kom; en • hoe moet jy maak as jy jou in ’n doodloopstraat bevind. Landbou.com se potgooireeks Bly Boer wil boere inspireer om nie net aan te hou boer nie, maar om ook vreugde in hul dagtaak te vind. In elke episode verken ons nuwe maniere om balans te vind sodat jy jou roeping met passie kan uitleef.