Only the Best

Gusto mo bang makamtan ang “Only the Best”? Kapag dumarating ang isang special na occasion sa buhay mo o sa mahal mo sa buhay, ano ang laging dumadating sa isip mo? Karamihan ay laging nag-iisip ng geralo na “the best”. Bagamat naniniwala ako na hindi lahat ng “the best” ay mamahalin. Ito ay nasusukat kung papaanong pinaghadaan ng isang tao ang regalong ito at kung gaanong ka-especial sa kanya kahit hindi gaanong kamahalan ang presyo. Sa Panginoong Diyos ay nais niya ang “the only best”. Kung mapapansin mo sa Kanyang mga utos ay pinipili niya nag pinakamagandang handog. Kung templo o kanyang tahanan ay gusto niya ang pinakamagandang materials ang gagamitin. Kung hayop ang pag-uusapan, dapat ito ay malusog at walang kapintasan. Kung sa mga bunga ng pananim, nais niya ay yung first fruits. Kung sa suweldo o kinita, ang gusto niya ay unang ikasampung bahagi nito. Ang Panginoong Diyos din ay nagbibigay ng pinaka-the-best na regalo sa sino mang susunod sa kanyang mga utos. At ang regalo o promise na ito ay hindi kayang tumbasan ng sino mang tao sa balat ng lupa. At ang kanyang mga pangako ay hindi lamang sa buhay na ito pati na rin sa kabilang buhay.