Os coros Concerto Tempiño e Tempo Novo comezan o curso en Canido e manteñen aberta a inscrición de novos integrantes

Os coros infantil Concerto Tempiño e xuvenil Tempo Novo xa puxeron en marcha o novo curso de actividades no Centro Cívico de Canido, en Ferrol. As dúas formacións retomaron os ensaios, aínda que manteñen aberta a inscrición para novas incorporacións. O Concerto Tempiño, dirixido a nenos e nenas de entre 5 e 11 anos, ensaia todos os sábados de 10:45 a 12:00 horas. Pola súa banda, Tempo Novo, para rapaces e rapazas de 12 a 20 anos, reúnese os sábados de 12:30 a 13:30 horas. O director de Concerto Tempo Xosé Antonio G. Mato anima as familias e a mocidade interesada no canto coral a incorporarse, polo que aínda é posible solicitar información e participar nos ensaios. O prezo é de 10 euros ao mes. O profesorado está formado por Laura López, Joel Crespo e José Antonio García Mato. As persoas interesadas no coro infantil poden contactar en [email protected] e as que queiran incorporarse ao xuvenil, en [email protected].