Pancas, crises e bancarrotas: do Barça de Laporta ao Imperio Hispánico do s. XVII

Non escoitaches aínda falar das pancas de Joan Laporta e das novas fichaxes do Barça? Si, isto é Facemos Historia, unha viaxe no tempo que agora tamén é un podcast deportivo. Xa será menos!Aproveitamos toda esta polémica que se xerou a partir das pancas, o recurso financeiro que empregou o presidente do Barcelona para poder atopar liquidez e poder fichar xogadores neste mercado de verán de 2022, para viaxar até a Idade Moderna, onde este recurso xa foi utilizado polos Austria para conseguir diñeiro que lles permitise manter a súa costosa política exterior, que non era outra que manter o Imperio. E descubrimos que non é todo como nolo contan os libros de divulgación histórica: novos estudos profundan na orixe e funcionamento das bancarrotas e crises que marcaron a economía do Imperio Hispánico na Idade Moderna.Podes acceder ás notas do episodio na nosa web. https://facemoshistoria.galCRÉDITOS (todas as obras utilizadas distribúense baixo a licenza Creative Commons): Música da sintonía: http://audionautix.com/ (The voyage, PennyWhistle, TriumphantReturn).