Party Zone undir diskókúlunni 8. ágúst

Í þætti kvöldsins spilum við hvern dansslagarann á fætur öðrum í órökréttri en fumlausri röð. Í fyrri hlutanum fáum við að sjálfsögðu diskótvennu og förum út í frímínútur með þáttarstjórnendum þar sem þeir handvelja allskonar gleði danssprengjur handa hlustendum. Við kíkjum síðan inn á troðfullan skemmtistaðinn Kíkí í fylgd plötusnúðsins Mellí 777, förum aftur til dansársins 1990 og fikrum okkur svo auðvitað á barinn og hristum kokteil kvöldsins.