Pigion Dysgwyr 7fed Mai 2021

S'mae... Dych chi'n gwrando ar Pigion - podlediad wythnosol Radio Cymru i'r rhai sy'n dysgu ac sydd wedi dysgu Cymraeg. Tomos Morse dw i, ac i ddechrau'r wythnos yma … BORE COTHI Ar Bore Cothi cafodd Shan sgwrs gyda Menna Michoudis (YNGANIAD – MICH-W-DIS) sydd yn dod o Bontuchaf ger Rhuthun yn wreiddol ond sydd yn byw ar Ynys Skiathos yng Ngwlad Groeg ers dros 15 mlynedd bellach. Mae hi’n briod, mae dau o blant gyda hi ac mae hi’n gweithio mewn swyddfa dwristiaeth gyda’i gŵr. Holodd Shan sut gwrddodd hi a’i gŵr a dyma’r hanes...Gwlad Groeg - GreeceCwrdd â - Cyfarfod efoHogan hurt - Merch dwlPrydferth - BeautifulAndros o hen - Very oldDotio ar - Dwlu arDuwies - GoddessAnhygoel - IncredibleGERAINT LLOYD Hanes Menna o Skiathos yn fan’na ar Bore Cothi. Mae’r Ganolfan Genedlaethol sy’n gyfrifol am Gymraeg i Oedolion wedi gwneud apêl am ragor o diwtoriaid a buodd Geraint Lloyd yn sgwrsio gyda Helen Prosser o’r Ganolfan am hyn ond cafodd e sgwrs yn ogystal gyda Ali Evans sydd wedi bod yn dysgu Cymraeg yn ei gweithle. Dechreuodd Geraint drwy ofyn o ble roedd Ali’n dod yn wreiddiol...Canolfan Genedlaethol - National CentreGweithle - WorkplaceYn eitha diweddar - Quite recentlyHwlffordd - HaverfordwestSa i’n gallu - Dw i ddim yn medruGWNEUD BYWYD YN HAWS Ali Evans oedd honna’n disgrifio ei thaith bersonol hi’n dysgu Cymraeg. Buodd Hana Hopwood Griffiths a’i gwesteion yn trafod beth sy’n troi tŷ yn gartref. Mae llawer o brofiad o symud tŷ gan Ann-Marie Lewis a buodd hi yn rhannu ‘tips’ ar droi adeilad yn gartref ar y rhaglen. Mae’r sgwrs honno i glywed ar BBC Sounds ac ewch i chwilio am Gwneud Bywyd yn Haws os dych chi eisiau ei chlywed. Ond dw i am rannu clip o Heledd Jones-Tandy sy'n troi ei thŷ’n gartref wrth ddod o hyd i unrhyw esgus dros ddathlu…. Crempog - PancakeCaniatáu - To allowBeirniadaethau - JudgementsLlwm - BleakGwagle - EmptinessAddurniadau - DecorationsPasg - EasterAllor - AltarClustogau - PillowsCrysurus - ComfortingArbrofi - To experimentDychymyg - ImaginationDEWI LLWYD Dathlu ei phenblwydd oedd y gantores Kizzy Crawford a hi oedd gwestai penblwydd Dewi Llwyd. Mae’r artist o Aberfan yn 25 oed a dyma hi’n rhannu hanes un penblwydd sydd yn aros yn ei chof...Yn fyw - LiveArwresau - HeroinesYn gyson - ConstantlyArwyr cerddorol - Musical heroesCefnogol - SupportiveLlwyddiant - SuccessAdolygu - RevisingALED HUGHES Ac awn ni i sôn am benblwydd arall nawr – penblwydd yr e-bost yn 50 oed. Doedd Aled Hughes ddim yn gallu credu bod cymant â hynny o amser wedi mynd heibio ers y digwyddiad hwnnw, felly gofynnodd e i Mei Gwilym am hanes yr e-bost... Go iawn? - Really?Dyfeisio - To inventCyfathrebu - To communicateLlond bol - A gutsfulGwrthod - To refuseY gweddill ohonon ni - The rest of usSIOE TUDUR Hanes yr e-bost yn fan’na ar raglen Aled Hughes. Wel mae’r gwanwyn wedi cyrraedd a dw i’n siŵr byddwn ni i gyd yn gweld gwenyn o gwmpas y lle yn o fuan. Roedd Tudur Owen yn credu ei fod wedi gweld brenhines wenynen yn ei dŷ, ond roedd Dyl Mei wedi gwneud ei waith cartref ac yn rhoi gwers fach iddo fe ar fyd y gwenyn … Gwenyn - BeesBrenhines wenynen - Queen beeDigwydd bod - As it happensDynion sain - Sound manLlonydd - StillDenu - To attractYr hogiau - The boysHwyrach ymlaen - later onMŵg - Smoke