پاکستان: د روژې له پیل سره د خوراکي توکو بیې لوړې شوې دي

د روژې له پیل سره سم په پاکستان کې د بازارونو ګڼه ګوڼه زیاته شوې او ورسره د خوراکي توکو د بیو د لوړېدو شکایتونه هم ډېر شوي دي. پېرېدونکي وايي، که څه هم د ځینو سبزیو بیې نسبتاً راکمې شوې، خو د تازه مېوو نرخونه لوړ شوي دي. د اوړو بیې هم لا پسې پورته تللې دي؛ یو لامل یې د سیاسي حالاتو له کبله د پنجاب او خیبر پښتونخوا ترمنځ د لارو لنډمهاله بندېدل یادېږي، او ځینې سوداګر د افغانستان سره د سوداګرۍ خنډونه هم د نرخونو د بدلون عامل بولي. نور مالومات په راپور کې واورئ.