Plenu 31-01-2013 - Control al gobiernu. Ruegos y entrugues.

L'últimu puntu del Orde del Día del Plenu Municipal, como siempres, foi'l de control al gobiernu. Foron dellos los temes que se punxeron enriba la mesa. Intervino Foro sobre'l PGOU, los presupuestos 2013, la problemáica de Ferrera y la represión llingüística nel conceyu. Frente de la Izquierda rogó que se llevare d'una vez a comisión la so propuesta de reglamentu de participación ciudadana. IPÑ intervino pa falar del conflictu d'Adepas y un decretu d'alcaldía onde l'Alcalde contradiz un informe de la oficina técnica nuna declaración de ruina d'un edificiu tocántenes al incumplimientu del deber de proteición. Pela so parte, el PP refirióse al PGOU y a les cuentes de SONOFE al conceyal del festexos y presidente de la entidá, momentu onde se vivieron los mayores momentos de tensión nesti Plenu. Remató la ronda Conceyu Abiertu, rogando respetu y entrugando poles polítiques de mocedá no que va de llexislatura y cuestiones del PGOU.