Plenu de 25-04-2013

Audio completu de la sesión ordinaria del Plenu Municipal de Noreña correspondiente al mes d'abril celebráu'l xueves día 25. Había 3 puntos nel orde del día: Aprobación actes anteriores; Control d'Organos de Gobiernu; y Toma de razón de renuncia de conceyal. Nun s'aprobó otra vez l'acta de xineru y aprobóse la del plenu de marzu. El gobiernu dio cuenta de les resoluciones d'Alcaldía, l'informe del primer trimestre y l'estáu d'execución del presupuestu y movimientos y situación de tesorería. Nos ruegos y preguntes intervino Conceyu Abiertu por Noreña (sobre temes como la posibilidá de facer conciertos y el rellenu illegal de La Chocolatera); Foro Asturias sobre'l PGOU y carretera de Ferrera; ya Independientes por Noreña ( sobre'l PGOU y la necesidá d'un pasu peatones na zona l'institutu-cementeriu). Remató'l Plenu cola toma de razón de la renuncia por motivos personales del conceyal de Frente de la Izquierda, Borja Ortea. L'Alcalde lleó un escritu de despidida del conceyal comunista, ausente na sesión y que nun se vio con fuerces a facelo en persona depués de 14 años.