ਪੰਜਾਬੀ ਡਾਇਸਪੋਰਾ: ਪਹਿਲੇ ਵਿਸ਼ਵ ਯੁੱਧ ਦੇ 9,909 ਅਣਗੌਲੇ ਭਾਰਤੀ ਫੌਜੀਆਂ ਨੂੰ 80 ਸਾਲਾਂ ਬਾਅਦ ਮਿਲੀ ਸਰਕਾਰੀ ਮਾਨਤਾ

ਪਹਿਲੇ ਵਿਸ਼ਵ ਯੁੱਧ ਵਿੱਚ ਸ਼ਹੀਦ ਹੋਏ ਵੰਡ ਤੋਂ ਪਹਿਲਾਂ ਦੇ 9,909 ਅਣਗੌਲੇ ਭਾਰਤੀ ਫੌਜੀਆਂ ਦੇ ਨਾਮ 80 ਸਾਲਾਂ ਬਾਅਦ ਕਾਮਨਵੈਲਥ ਵਾਰ ਗ੍ਰੇਵਜ਼ ਕਮਿਸ਼ਨ ਯਾਨੀ CWGC ਦੇ ਰਿਕਾਰਡ ਵਿੱਚ ਸ਼ਾਮਲ ਕੀਤੇ ਜਾ ਰਹੇ ਹਨ। ਜੰਗ ਦੌਰਾਨ ਮੌਜੂਦਾ ਭਾਰਤ, ਪਾਕਿਸਤਾਨ ਅਤੇ ਬੰਗਲਾਦੇਸ਼ ਦੇ ਲਗਭਗ 14 ਲੱਖ ਲੋਕਾਂ ਨੇ ਬ੍ਰਿਟਿਸ਼ ਭਾਰਤੀ ਫੌਜ ਵਿੱਚ ਸੇਵਾ ਕੀਤੀ ਸੀ। ਇਨ੍ਹਾਂ ਵਿੱਚੋਂ ਇਕੱਲੇ ਪੰਜਾਬ ਰਾਜ ਤੋਂ ਹੀ 3,20,000 ਸੈਨਿਕ ਜੰਗ ਵਿੱਚ ਗਏ ਸਨ। ਹੁਣ ਨਵੇਂ ਮਾਨਤਾ ਪ੍ਰਾਪਤ ਇਹਨਾਂ ਹਜ਼ਾਰਾਂ ਸੈਨਿਕਾਂ ਵਿੱਚ ਲਗਭਗ 25% ਸਿੱਖ, 25% ਹਿੰਦੂ ਅਤੇ 40% ਮੁਸਲਮਾਨ ਸ਼ਾਮਲ ਹਨ। ਇਸ ਤੋਂ ਇਲਾਵਾ ਦੁਨੀਆ ਭਰ ਵਿੱਚ ਵੱਸਦੇ ਪੰਜਾਬੀਆਂ ਨਾਲ ਜੁੜੀਆਂ ਖ਼ਬਰਾਂ ਲਈ ਸੁਣੋ ਇਹ ਪੌਡਕਾਸਟ।