Podlediad Pigion y Dysgwyr 25ain o Fawrth 2020

"S'mae... Dach chi'n gwrando ar Pigion - podlediad wythnosol Radio Cymru i'r rhai sy'n dysgu ac sydd wedi dysgu Cymraeg. Tomos Morse dw i, ac i ddechrau'r wythnos yma …" Galwad Cynnar Dydd Sadwrn 21/03/20 Y Foryd Fach "…Rhys Jones yn disgrifio'r Foryd Fach ger Caernarfon. Mae'r Foryd yn lle pwysig iawn o ran byd natur ac mae'n bosib gweld adar arbennig iawn yno. Dyma flas ar sgwrs Rhys Jones ar Galwad Cynnar bore Sadwrn diwetha... " amrywiaeth - variety nodweddiadol - typical gwyddau duon - black geese unigryw - unique gaeafu - to spend winter gorgyffwrdd - to overlap cynyddu - to increase daearyddiaeth - geography ddim mor gyfarwydd - not as familiar deheuol - southernly Rhaglen Ifan Evans Iau – 19/03/20 Dofednod "Darlun o'r Foryd Fach ger Caernarfon yn fan'na ar Galwad Cynnar. Mi wnawn ni aros efo adar yn y clip nesa gan ei bod hi'n Ddiwrnod Dofednod dydd Iau diwetha – cyfle i ddathlu ein ffrindiau bach pluog. A gwestai Ifan Evans oedd rhywun sydd wrth ei fodd ynghanol y plu i gyd yn enwedig yr ieir, sef Paul Williams o Gwrtnewydd, Ceredigion. Gofynnodd Ifan iddo fe o ble daeth y diddordeb mewn ieir... " dofednod - poultry pluog - feathery Y sioe Frenhinol - The Royal Welsh Show trybini - misery crwtyn - a boy ceiliog - a cockerel y ffefryn - the favourite pert - pretty o mawredd - oh goodness dodwy - to lay Ifan Evans Dydd Mawrth 17/3/20 Mary Bott " A dyn ni'n mynd i aros gyda rhaglen Ifan am y clip nesa sef sgwrs gyda Mary Bott o Aberteifi Mae Mary yn dipyn o gymeriad ac yn fflyrtian dipyn bach efo Ifan... " nes ymlaen - later on egni - energy iengach - remind casglu - to collect Hwyrnos Georgia Ruth Mawrth 17/03/20 loergan "Anodd iawn i Mary gadw'n dawel am ddwy awr swn i'n meddwl... Sian Eleri oedd yn cyflwyno yn lle Georgia Ruth nos Fawrth a’i gwestai oedd Griff Lynch o'r band Yr Odds. Buodd Griff a Sian yn siarad am sioe gerdd Eisteddfod Genedlaethol eleni o’r enw Lloergan. Griff a’i frawd Lewys Wyn sydd wedi ysgrifennu’r gerddoriaeth - oedd y ffaith eu bod nhw mor agos at ei gilydd wedi helpu'r broses tybed?" sioe gerdd - musical yn ormodol - too much strwythur - structure yn hytrach na - rather than yn rhy draddodiadol - too traditional canolbwyntio - to concentrate Bore Cothi Llun – 16/03/20 Côr Ona "Griff Lynch oedd hwnna yn sôn am y sioe gerdd 'Lloergan'. Wel mae hi'n adeg bryderus iawn on'd yw hi? Ond er mwyn codi ein calonnau mae Catrin Angharad Jones neu Catrin 'Toffoc' fel mae llawer yn ei galw wedi creu tudalen Facebook o'r enw Côr Ona, lle mae pobl yn postio fideos ohonyn nhw eu hunain, neu eu plant yn canu. Mae yna thema gwahanol bob dydd - caneuon i famau oedd thema dydd Sul wrth gwrs gan ei bod yn Sul y Mamau. Dyma i chi ran o sgwrs gafodd Shan Cothi gyda Catrin..." y llais - the voice syniadau gwirion bost - ridiculous cyhoeddiadau - notifications hunan ynysu - self isolating ymarferion - rehearsals wyneb yn wyneb - face to face emynau - hymns y to hŷn - the older generation mi anwyd… - ...was born Dros Ginio Llun - 16/03/20 Rowland Wiliams "Catrin 'Toffoc' yn fan'na yn sgwrsio gyda Shan Cothi am y dudalen Facebook Côr Ona. Mae'r peiriannydd Rowland Williams yn dod o Rhigos yn wreiddiol ond nawr mae'n yn byw Martinez ger San Francisco. Dyw e ddim wedi byw yng Nghymru ers dros bedwar deg o flynyddoedd ond dyw e heb golli acen ardal Morgannwg o gwbl. Dyma fe'n siarad gyda Dewi Llwyd... " peiriannydd - engineer llywodraeth - government yn gyson - regularly heolydd - roads ddim yn fodlon - unwilling anghyfforddus - uncomfortable edrych yn syn - looked in astonishment yn rhyfeddol - wonderfully y gyfrinach - the secret