Presentación da libraría 'O fogar das palabras' no Sombreiro de Merlin

Hoxe festexamos no Sombreiro, a apertura dunha libraría-taller en Compostela, que levará o fermoso nome de "O fogar das palabras": Fernando Cimadevila, director editorial de Contos Estraños Editora, e autor de obras como a serie xuvenil "O mundo secreto de Basilius Hoffman", e David Cortizo, editor, tradutor e corrector de Urco Editora, preséntanse coma inquilinos e anfitrións do que eles definen como un novo concepto de libraría, que incluirá unha aula, onde se impartirán distintas actividades relacionadas co mundo da escrita e a edición, talleres de Escritura, Tradución, Edición, Maquetación, Deseño e Ilustración, impartidas por profesionais destes ámbitos. Asimesmo realizaránse presentacións de libros, para achegar os autores aos seus letores, recitais poéticos, palestras lingüísticas e demais actividades do mundo do libro e as verbas.