Presentación de "Contos Estraños: Segunda Era", no Sombreiro de Merlin con Fernando Cimadevila.

Este sábado presentamos no Sombreiro de Merlin o novo volume de "Contos Estraños: Segunda Era", unha excepcional antoloxía de fantasía galega, tanto no que se refire aos textos coma aos autores que a compoñen, nun volume anual que foi presentado na Feira da Coruña o pasado mes de agosto; con nós estará Fernando Cimadevila, un dos directores editoriais de Contos Estraños, para falarnos dos autores, temas, e relevancia dunha obra nova, que como di o lema que atopamos na súa coidadísima portada, "Un novo amañecer para o fantástico", supón un paso adiante na xa rica e innovadora traxectoria desta editorial que capitanean Cimadevila e Tomás González Ahola.