Programa1409

Edición número 1409 de O Recanto do Corcovado. Puidestes escoitala o venres 24 de maio a través de RKV Radio Vigo, e o sábado 25 na sintonía de Cuac FM A Coruña e da Radio Municipal de Redondela. Pechamos a rolda de emisións o mércores 29 a través de Radio Crónica Folk Musical. Escollemos como un discos da semana o novo da banda de Compostela Stormy Trucks. Estréovos, ademais, os últimos sinxelos de Baiuca e A Pedreira, ademais do último proxecto de Xosé Lois Romero. Trátase da banda de son para o espectáculo teatral “A mulher lyrio”, que recupera a memoria da escritora e actriz galegoportuguesa Manuela Rey. Na segunda parte do programa entramos no terreo do pop contemporáneo da man de Sús, quen vén de presentar “Entre”. O disco vai da indietrónica á música popular, xogando cos xéneros en permanente equilibrio. Pechamos o programa coa última produción do selo Lovemonk. Trátase de “Los Manantiales”, o celebrado novo disco de Daga Voladora.