Programa1412

Edición número 1412 de O Recanto do Corcovado. Puidestes escoitala o venres 14 de xuño a través de RKV Radio Vigo, e o sábado 15 de xuño na sintonía de Cuac FM A Coruña e da Radio Municipal de Redondela. Pechamos a rolda de emisións o mércores 19 de xuño a través de Radio Crónica Folk Musical e o sábado 22 na sintonía de Rádio Filispim. “Basal”, o novo disco da Pedreira, xa está na rúa. Intuímos nel un dos mellores proxectos discográficos do 2024. Estréovos, ademais, o primeiro sinxelo publicado polo trío Maricarme, onde corverxen os talentos de Cibrán Seixo, Antía Ameixeiras e Migui Carballido. No segundo bloque do programa preséntovos o novo sinxelo do proxecto Ayom, sen nos esquecer do novo disco da artista arxentina La Yegros. Na parte final do programa, da man de Nordic Notes, escoitamos o segundo adianto do inminente novo disco de Venla Ilona Bloom, ademais do último traballo do cantor islandés Svavar Knútur.