Programa1476

Edición número 1476 de O Recanto do Corcovado. Puidestes escoitala o xoves 8 de xaneiro a través de Rádio Filispim, o venres 9 a través de RKV Radio Vigo e o sábado 10 na sintonía de Cuac FM A Coruña e da Radio Municipal de Redondela. Pechamos a rolda de emisións o mércores 14 a través de Radio Crónica Folk Musical. Esta semana completamos o repaso dos 15 mellores discos do ano 2025. Lembrade que este ano, debido a circunstancias alleas á miña vontade, deixei de valorar unicamente discos galegos: como só chegaron ás miñas mans oito discos asinados por artistas do país, vinme na obriga de abrir a escolma a todos os proxectos presentados no programa. Coma sempre, tede en conta que non consideramos sinxelos, recompilacións nin discos gravados ao vivo. Escoitamos pezas dos discos que ocupan do posto número 6 ao 1. Estes discos son: 6. Aki Rissanen Trío: “Imaginary Mountains”. Editions Records. 5. Germán Díaz & Benxamín Otero: “Outras trece cancións bonitas”. Producciones Efímeras. 4. Yalla Miku: “2”. Bongo Joe. 3. The Circling Sun: “Orbits”. Soundway Records. 2. UTU: “Love Collection: By the Ashes That Used to Be the Everlasting Fire”. Eclipse Music. 1. Spafford Campbell: “Tomorrow Held”. Real World Records Records.