Programa1478

Edición número 1478 de O Recanto do Corcovado. Puidestes escoitala o xoves 22 de xaneiro a través de Rádio Filispim, o venres 23 a través de RKV Radio Vigo e o sábado 24 na sintonía de Cuac FM A Coruña e da Radio Municipal de Redondela. Pechamos a rolda de emisións o mércores 28 a través de Radio Crónica Folk Musical. Esta semana preséntovos diferentes adiantos de discos que serán editados ao longo dos vindeiros meses. É o caso dos futuros lanzamentos do selo Real World: Lamisi (20 de febreiro); Peter Gabriel (decembro); L.Y.R. (comezos de abril) e Dub Colossus (6 de marzo). Dende o selo Bongo Joe descubrimos “Futur Simple”, escolma poliédrica onde diferentes artistas reconstrúen pezas antigas editadas polo selo. Escollemos temas de Collignon, Conjunto Media Luna e Slocomotion”. Dende o selo No Format! escoitamos “História da nossa língua”, primeiro tema extraído de “Brasiliano”, o novo de Lucas Santtana. No segundo bloque do programa estréovos o disco de remixes de “Barullo”, editado recentemente por Raso, e a última peza asinada por Nastasia Zürcher e Terrae. Trátase do remix da peza “O impulso”.