Psalm 4 (Awit 4)
from Kape at KAPITULO (Tagalog Bible Reading) Hosted by Myla Joy Cunanan
Panalangin sa Gabi 1 O Dios na aking Tagapagtanggol, sagutin nʼyo po ako kapag akoʼy tumatawag sa inyo. Hindi ba noon tinulungan nʼyo ako nang akoʼy nasa kagipitan? Kaya ngayon, maawa kayo sa akin at pakinggan ang dalangin ko. 2 Kayong mga kumakalaban sa akin, kailan kayo titigil sa inyong paninirang puri sa akin? Hanggang kailan ninyo iibigin ang mga bagay na walang kabuluhan at magpapatuloy sa kasinungalingan?[a] 3 Dapat ninyong malaman na ibinukod ng Panginoon ang mga banal para sa kanyang sarili. Kaya kung tatawag ako sa Panginoon, pakikinggan niya ako. 4 Kapag kayoʼy nagagalit, huwag kayong magkakasala. Habang nakahiga kayo sa inyong higaan, tumahimik kayo at magbulay-bulay. 5 Magtiwala kayo sa Panginoon at mag-alay sa kanya ng tamang mga handog. 6 Marami ang nagsasabi, “Sino ang magpapala sa amin?” Panginoon, kaawaan nʼyo po kami! 7 Pinaliligaya nʼyo ako, higit pa kaysa sa mga taong sagana sa pagkain at inumin. 8 Kaya nakakatulog ako ng mapayapa, dahil binabantayan nʼyo ako, O Panginoon.
Embed this episode
No transcript yet.