राजबंशी भाषा - "भगवानले हामी सबैलाई बनाउनुभयो".mp3

Rajbanshi Language - "God Made Us All."mp3 // युहन्‍नार - सुसामाद - जिबनेर बचन१ आदिकाले से बचनड छिले, बचनड परमेस्‍वरेर सङे छिले, आर बचनडए परमेस्‍वर छिले। २ उहाँए आदिकाले से परमेस्‍वरेर सङे छिले।३ सब कुछुर सृस्‍टि उहाँरे पाए हले, आर जे कुछुर सृस्‍टि हले उलार मइधे कोए कुछुर सृस्‍टि उहाँर बिना नि हले।४ उहाँए जिबनेर मुल छिले, आर अइड जिबन लोकलार बिचत ओजोत आन्‍ले। ५ उखान ओजोत आन्‍धारखानक फटफट करिदेचे। आर आन्‍धारखान ओजोतखानक केधउ जित्‍बा नि पारेचे।६ परमेस्‍वरट युहन्‍ना नाएर एकटा साम्‍दियाक पाठाले।७ उहाँए लोकलाक ओजोतखानेर बिसयत गबाहि दिबा आस्‍ले जेसे सब कोए उहाँर काथाड सुन्‍कि आर उहाँर काथाडत बिस्‍वास कर्कि।८ उहाँए खुद उखान ओजोत नि छिले, मातुन बाठे ओजोतखानेर बिसयत गबाहि दिबा आस्‍ले।९ हरेकटा लोकक आत्‍मा ग्‍यान दिबार असलि ओजोतट संसारत आस्‍वार पर छिले।१० उहाँए संसारखानते छिले आर संसारखानेर सृस्‍टि उहाँरे से हइस्‍ले ताहुँ संसारखान उहाँक नि चिऩ्‍ले। ११ उहाँए आप्‍नारे लोकलार ठिना आस्‍ले मातुन उहाँर आप्‍नारे लोकला उहाँक सुइकार नि करेल्‍कि।१२ मातुन जाहाँए जाहाँए उहाँक सुइकार कर्ले आर उहाँर नाअँडर पर बिस्‍वास कर्ले अम़ा साभाकअ उहाँए परमेस्‍वरेर सान्‍तान हबार अधिकार दिले। १३ अम़ार जलम लोकेर पाए बा उहाँर सरिलेर इच्‍छा से त नि मातुन परमेस्‍वरेर पाए हचे।१४ तने बचनड देहा धारन कर्ले आर उहाँए अनुग्रह आर सत्‍यता से पुर्न हए हामार बिचत बासा कर्ले। हामा उहाँर महिमा देख्‍न, जेइखान महिमा कि उहाँए पितार एकटिया पुत्रर भाबे पाइस्‍ले।१५ युहन्‍नाड उहाँर बिसयत गोग दिए दिए गबाहि दिले, “उड लोक याहिँ हए, जाहाँर बिसयत मुइँ कहिसेल्‍कन कि, मोर बाद जाहाँए आसेचे, उहाँए मोर से माहान छे कियाँकि मोर जलम हबार आगुए से उहाँए छे।”१६ आर उहाँरे अनुग्रहर पुर्नता से हामा साभाउ अनुग्रहर पर अनुग्रह पाइचि, १७ कियाँकि बिधानखान दुवाल गेल मोसार पाए मातुन अनुग्रह आर सत्‍यताखान आस्‍ले इसु ख्रिस्‍टेर पाए।१८ परमेस्‍वरटक आल़ा तलिक काहुँ केधउ नि देखे। पितार सङे रहबार एकटिया पुत्रडए उहाँक प्रकट कराइचे।