राजबंशी भाषा - "येशू: प्रभु र मुक्तिदाता"mp4

Rajbanshi L:anguage - "Jesus: Lord and Savior".mp4 // १ कोरिन्‍थि 13 - उत्तम प्रेम१ मुइँ मान्‍सिर आर सर्गदुतेर भासात बललउ मोर भित्रत प्रेम नि छे जदि ते मुइँ हाल्‍ला कर्बार घन्‍टि आर एकझाइ एकझाइ बल्‍बार कर्तालेर लाखा हउ। २ मोर सङे जदि अगमबानि बल्‍बार बरदान छे, बुझा नि जाबार गटे भेदला आर ग्‍यानेर काथाला जानेचु, ताहार से अधिक मोर सङे यहनङ बिस्‍वास छे, मुइँ पाहारलाकअ सर्काए दिबा पारु मातुन मोर भित्रत प्रेम नि छे जदि ते मुइँ कोए कामेर नि हउ।  ३ मुइँ जदि मोर गटे धन सम्‍पतिला बिल़ाए दु आर मुइँ आप्‍नार देहाडउ आहुतिa करि दु आर मोर भित्रत प्रेम नि छे जदि ते मोक कोए लाभ नि छे। ४ प्रेमखान सहतुक आर दयाबान हचे, प्रेमखान जलन, सेखि बा गुमान नि करेचे। ५ प्रेमखान जिद्ध नि करेचे, आपुन सुहाति नि करेचे, झेन्‍झोट नि मानेचे, खारापिर कुनह गेन्‍ति नि राखेचे। ६ प्रेमखान खारापित खुसि नि मानाचे बुरु सत्‍यतात आनन्‍द मानाचे। ७ प्रेमखान गटे कुछु सहचे, गटे कुछु पत्‍यार करेचे, गटे कुछुत आसा राखेचे, गटे कुछुत स्थिर रहचे। ८ प्रेमखानेर कोए ओरे नि!अगमबानिला भेराए जाबा पारे, भासाला बन हए जाबा पारे, आर ग्‍यानेर काथाला ओर हबा पारे, ९ कियाँकि हामार ग्‍यानला पुर्न नि छे आर हामार अगमबानिला पुर्न नि हइचे। १० मातुन जेइखुना सम्‍पुर्नताखान आस्‍बे, उखुना अपुर्नताखान भेराए जाबे। ११ जेइखुना मुइँ छुवा छिनु, छुवार लाखा करे बलु,  छुवार लाखा करे सँचु, छुवार लाखा करे साबाल करु। आर जेइखुना मुइँ सब्बर लोक हनु तने छुवा मतिर काथाला छरि दिनु। १२ आल़ा हामा अनकखानत देखा जाबार लाखा झेप्‍सा करे देखेचि मातुन उखुना हामा आम्‍ना साम्‍नि देख्‍म। आल़ा मुइँ सम्‍पुर्न भाबे नि जानेचु मातुन उखुना मुइँ सम्‍पुर्न भाबे जानिम जेनङ कि मुइँ सम्‍पुर्न भाबे जानाल गेइचु। १३ आप हामा इला से बुझेचि कि बिस्‍वास, आसा आर प्रेम इ तिनडा काथा सदामधि रहबे। मातुन इलार मइधे सब से उतम काथा हए प्रेमखान।