राजबंशी ईसाई गीत -"हे दयालु येशु"(OH MOR DOYAL JESHU RE).mp4

Rajbanshi Christian Song - "Oh Merciful Jesus".mp4 // ख्रिस्‍टेर पुनरुत्‍थान१ हे भाइला! मोर पाए प्रचार कराल सुसामादड मुइँ तम़ाक फेर फम कराबा चाहाच्‍कन, जेइड सुसामादक तम़ा बिस्‍वास कर्लन आर उडत स्थिर हए छन, २ मोर प्रचार कराल बचनडक जदि तम़ा कटकट करे धरिए राखिचन ते, एइड सुसामादेर पाए तम़ार उद्धारअ हइच्‍कन। आर निते तम़ार बिस्‍वासखान आकारते गेल्‍कन।३ कियाँकि मुइँ जेइड पानु अइडक सब से बड महत्‍वर बुझिए तम़ाक सँपिदिनु आर्थात धर्मसास्‍त्रेर अनुसार ख्रिस्‍टट हामार पापलार खातिर मारा पर्ले, ४ आर उहाँए गाऱाल गेले, आर तने धर्मसास्‍त्रेर अनुसार तेस्रा दिनत उहाँर पुनरुत्‍थान हले, ५ तने उहाँए केफासेर ठिना देखारत हले ताहार बाद एकेबार्सि बाऱए झना प्रेरितलार ठिना देखारत हले। ६ ताहार बाद उहाँए पाँच स से अधिकला बिस्‍वासिर बिचत एकेबार्सि देखारत हले, अम़ार मइधे अधिकला लोक आल़ाउ जेअँत छे मातुन केबा झना लोक मारा परिगेइचे। ७ ताहार पाछे उहाँए याकुबेर ठिना देखारत हले, फेर तने गटेला प्रेरितेर ठिना देखारत हले।८ आर सब से आखिरत, समयडर बेतुकत जल्‍मालडर लाखा करे महर ठिना प्रभुड देखारत हले।९ कियाँकि प्रेरितलार मइधे मुइँ साभार से निच हउ आर प्रेरित काहालिबारअ लाइक नि छु कारन मुइँ परमेस्‍वरेर मन्‍डलिडक साताइचु।१० मातुन मुइँ आल़ा जे छु से परमेस्‍वरेर अनुग्रह से छु, आर मोर पर कराल उहाँर अनुग्रहखान बिरफल नि हल्‍कि। बुरु मुइँ आरहला प्रेरित से अधिक काम कर्नु,ताहारअ पर मुइँ नि बुरु मोर पर हुवाल परमेस्‍वरेर अनुग्रह से हुनङहले। ११ अइताने आप मुइँ हउ बा अम़ा होक, हामा जे प्रचारa कर्न से तम़ा बिस्‍वास कर्लन।