Raimu
from Radio Occitania Hosted by Radio_Occitania
I a milanta causas a dire d’aquel òme puèi que nos en daissèt encara mai. Retendrem son vèrb, sa prestança, sa doçor, sa colèra, son cacalàs, sas lagremas… per far cort, retendrem tot simplament son umanitat. Parlam aquí d’un comedian que se contentava pas de jogar plan, parlam d’un comedian que jogava juste. L’escrivan marselhés Marcel Pagnol parlèt d’el coma d’un actor genial que trabalhava coma un debutant. Valent a dire qu’aviá totjorn lo scernari jol braç e que s’exerçava de contunh sus son tèxte. La resulta n’es encara mai espectaclosa. Vaquí l’impression que daissèt Jules Muraire, mai conegut jol chafre de Raimu, natiu de Tolon e incarnacion etèrna del César de Pagnol. Clamenç nos en dit un boçin mai sus aquel occitan del jorn... E se volètz tornar trapar la version escrita de la cronica, sera leu disponibla sus Jornalet, la gaseta occitana d'informacion. Imatges : Henri Manuel, Public domain, via Wikimedia Commons Soutenez-nous sur Patreon et HelloAsso !
Embed this episode
No transcript yet.