Reis sonder grense

Mosambiek en sy inwoners het deur diep waters gegaan wat sy geskiedenis betref. Eers was daar die koloniale era, gevolg deur 'n vryheidsoorlog en toe 'n burgeroorlog. Vandag kyk die terug op sy geskiedenis wat dien as inspirasie om te ontwikkel, en hulle in staat stel om hulle erfenis en kultuur te vier. Die hoofstad, Maputo, wat maklik van Suid-Afrika af bereik kan word, spog met argitektoniese skatte, kleurryke materiale, eksotiese kos en gemoedelike mense, wat 'n besoek aan die land, en veral die hoofstad, die moeite werd maak. Terrance April was onlangs daar.