Rektu burt hjegómann, hálfvelgjuna og hugleysið

Reykvíkingar dagsins í dag ljá Reykvíkingum frá árinu 1918 rödd sína og lesa valda texta frá því ári. Í þessum þætti les Snædís Björnsdóttir, nemi í Menntaskólanum við Hamrahlíð úr dagbók Þorbjargar Árnadóttur. Þorbjörg var prestsdóttir, tvítug þegar þessi dagbókarfærsla var skrifuð en faðir hennar, séra Árni Jónsson lést árið 1916. Þá fluttist fjölskyldan til Reykjavíkur, þar lærði Þorbjörg í Verslunarskólanum í tvö ár og vann svo á skrifstofum. Síðar lærði hún hjúkrun víða um heim og var einnig rithöfundur og gaf út nokkrar bækur. R1918 er samstarfsverkefni Listahátíðar í Reykjavík, Landsbókasafnsins og RÚV. Textavinna: Landsbókasafn Íslands-Háskólabókasafn og Bjarni Jónsson. Tónlist: Úlfur Eldjárn. Samsetning: Þorgerður E. Sigurðardóttir.