¿RTPA n'asturianu?: Programa especial con dellos convidaos n'Alderiques d'Asturies TV/L'Editorial d'Inaciu Galán

Nel programa de güei entamamos col editorial del Presidente d'Iniciativa pol Asturianu nes Ondes, Inaciu Galán, que mos fala del papel de les nueses instituciones na Selmana de les Lletres Asturianes. Darréu falamos con un garrapiellu convidaos que tuvieron nel Especial que se fixo n'Alderiques d'Asturies TV alrodiu la presencia del nuesu idioma nel ente público de comunicación. Sentiremos lo que mos dixeron Naciu Varillas, Damián Barreiro, Humberto Gonzali, Oscar Vega, Xosé Antón "Ambás" y Carlos Pulgar. TOLES SELMANES INICIATIVA TA NES ONDES Sienti’l programa radio de l’Asociación “Iniciativa pol Asturianu” áu falaremos toles selmanes na nuesa llingua y de la nuesa llingua asturiana. El programa radio d'Iniciativa pol Asturianu, dirixíu por Samuel Gradín, ye selmanal col envís de tar más apegáu al día tres día de les custiones que cinquen al nuesu idioma. Asina ufre a los oyentes de les emisores que collaboren cola organización y los siguiores de les nueses redes sociales, un programa selmanal de trenta minutos onde puen sentise entrevistes, noticies, anuncies, etc que surden alrodiu l'asturianu. Tate sollerte.....Iniciativa pol Asturianu nes Ondes......