如果可以當貴婦，誰要當潑婦？

這集來講「相聲」。 欸？「相聲」的台語應該按怎講？又閣是為按怎欲來講相聲咧？原來是欲講表演工作坊2005年推出的《這一夜，women說相聲》，這是一齣罕有的以全女性來表演的「相聲劇」，內底用「潑婦」做為表演藝術大師的劇情來剾洗表面上男女平等的社會，背後所隱藏的無平等；亞特佮佑仁也對這齣戲出發，來討論BBC澳洲記者佮學者所發表的一篇文章，破解家庭內底看袂著的「隱形工課」佮「心理負擔」。 家庭內二人工課差不多，家內事也有分工，是按怎猶是總有一人會感覺特別忝？背後遐的無形的心理負擔到底藏佇佗？咱來透過八个指標來檢查看覓，你是特別忝的彼个，抑是使人特別忝的彼个咧？