La canguro, de Pablo Rivero

A proposta literaria desta semana é un thriller psicolóxico que xa vai pola súa terceira edición. O seu título é “La canguro”. Está asinado por un autor que é moi coñecido polo gran público na súa faceta de actor. Falámoslles de Pablo Rivero que, ademais de por ser Toni Alcántara na serie "Cuéntame cómo pasó", leva xa varios anos cunha sólida traxectoria literaria dentro deste xénero. "La Canguro" non é unha excepción. Unha novela que nos conta unha escena cotiá nunha familia española que bota man dunha moza para lle coidar os fillos, pero algo pasa nesa casa. Dúbidas dunha nai, a difícil conciliación, celos, medos a un perigo que axexa… todo e máis con doses de intriga e terror nesta novela na que agora nos mergullamos.