Anna Maria Blind - vuosttaš sámi neavttár Dramatenis

Anna-Maria Blind bajásattai boazosámebearrais ja niegadii neavttáriin addat. Vuostebiekkas ollauhtii niegu ja attai vuostta sápmela Dramatena lávddis. Lyssna på alla avsnitt i Sveriges Radios app. Anna-Maria Blind riegádii 1937:s Gárasavvonis, mii lea Ruoŧabeale Sámis. Su váhnemat leigga boazovázzit, ja bearaš orui goađis geasset. Muhto de ovtta beaivvi Anna-Maria gullá rádioprográmma mas lea teáhterčájálmas. Fáhkkestaga sus lea miella leat lávddi alde ja čájehit dovdduidis.Su eadni, gii lei hui risttalaš ja ii lean goassege oaidnán teáhterčájálmasa, oaivvildii ahte teáhter lei suddu.- Eadni lei govas oaidnán muhtin can-can nieiddaid ja bivddii mu lohpidit ahte in goassege galgga čájehit iežan julggiid nu. Dat lei su jurdda das mii teáhter lei, muitala Anna-Maria.Anna-Maria guođđá beahttašuvvan bearraša ja ohcá iešguđetlágan teáhterskuvllaide. Dasto son álgá Ruoŧa buoremus teáhterallaskuvlii, Dramatens scenskola. Doppe lea earret eará beakkán Ingmar Bergman oahpaheaddji.Go son ohcá barggu, de son vásiha ahte lea váttis go sus lea sámi duogáš, muhto dattege Anna-Maria Blind joatká bargat neavttárin olles su bargoeallima.- Lea leamaš rámálmas mátki vaikko lean ge ollu ferten máksit válljejumiidan ovddas, muhto jáhkán ahte guhkes áigái dat lea leamaš buorre. Mun lean maiddái beassan leat nu ilus ja lihkolaš ja lean beassan dovdduidan ovdanbuktit, in ge jáhke ahte mun livččen heiven makkárge eará bargui, muitala son.Jenny Israelsson Skoglund lea ráhkadan prográmma.