Skip to content
Sand in’t Geschlechter-Getriebe episode artwork

Aug 18, 2022 2 min

Sand in’t Geschlechter-Getriebe

from De Döschkassen

Intwüschen ward je in veele öffentliche Texte dorop acht‘, dat alle möglichen Geschlechter optellt ward, in Stell’nanzeigen to’n Bispeel. Dat mokt Texte ni würkli leesborer, overs so is dat nu mol politisch korrekt. Gendern seggt man dorto, wat ingelsch is un „dschändern“ utsnackt ward. Mennige dschändert sogor, wenn se an’t Snacken sünd, se seggt denn „Kund-Innen“, „Mitbörger-Innen“ un so. Un veele annere passt ganz genau op, dat ook överall richti un korrekt dschändert ward. Jo, so is dat in Düütschland, dor passt man scheun op’nanner op. Nu is dat overs so, wat dat mit dat Gendern ni överall klappt. In ganz wichtige Berieke klappt dat ni. So hebbt uns‘ Football-Fruun de Europameisterschop knapp an England verlorn. Overs liekers se Fruun sünd, snackt man vun ’n „Mannschop“, dat mutt doch an un för sick ’n „Fruuschop“ ween oder noch beter; ’n „Footballer-Innenschop“. Hmm. Un denn gifft dat je ook de Froog: Wenn in‘ Mondraket‘ blots Fruunslüüd sitten wurrn, weer de Raket‘ denn „unbemannt“? Man weet dat ni. Dat is allns gor ni so eenfach. Na jo, an mennige Steeden gifft dat je blots he oder se. So wurr dat keen Sinn moken vun „Päbst-Innen“ to snacken, denn Papst dörft blots Mannslüüd warrn. Dat is veellicht so, weil sick dat bi den leeven Gott anschiend ook üm ’n Mann hannelt. In de Bibel steiht je „Gott, de Herr“ un ni „Gott, de Doom“. Veellicht hett Martin Luther bi’t Översetten dat Gendern eenfach noch ni kinnt un is dorüm in de männliche Form bleeven. Dat gifft overs noch veel mehr Bispeele för Probleem‘ mit dat Dschändern. So kann man sick frogen, wat ’n männliche Fee in’t Märchen is. Doröver schull man nodinken, dormit de Kinner vun Anfang an richti dschändert. In de Kindheit sett sick in uns je fast, wat wi as richti un as falsch anseht. Dorüm ward dat no 63 Johr ook mol Tied, dat wi dat Gegenstück vun’t Sandmännchen kinnenlehrt, dat „Sandweibchen“ nömli. Jo, dat gifft noch veel to dohn… In düssen Sinn

Episode details come from the podcast's RSS feed.

Embed this episode

Ready to play

Sand in’t Geschlechter-Getriebe

0:00 2:44

No transcript yet.

Requests help us decide what to transcribe next.

Frequently asked questions

How long is this episode of De Döschkassen?

This episode is 2 minutes long.

When was this De Döschkassen episode published?

This episode was published on August 18, 2022.

Can I download this De Döschkassen episode?

Yes. Use the download control on the episode player to save the publisher-provided media file.