EPISODE · Aug 30, 2019 · 2 MIN
Saubere Sook
from De Döschkassen
Na – wat kümmt nu denn al weller? Güstern heff ick leest, dat jüst de Auto-Firma, mit de de Diesel-Schandol vör veer Johr losgohn is – Nooms will ick hier ni schrieven – nu weller ’n Diesel op’n Mart bringt. Un dat Auto schall nu ohn‘ Schummel-Softwäär dorbin so weni Stickoxide achter rutpusten, dat man dat meist gor ni mehr meten kann – weniger jedenfalls as de mehrsten Benziners. Jungedi, dat is di wat. Wo dat geiht? Ganz eenfach, de Autos ward blang Diesel noch mit Harnstoff optankt, man kunn ook Addel dorto seggen. Dat man de Addel nu overs frisch ut’n Kohstall in Tank schüffeln oder dor ook mol sülms rinmiegen kann, dat glööv ick weniger. Den Krom mutt man scheun extra kööpen. Wat heet dat nu overs för uns? Mööt wi nu de Benziners weller wechsmieten, de wi uns holt hebbt, no dat wi jüst erst de Diesels wechsmeeten hebbt? Elektro-Autos kann man je jümmers noch ni so recht betohln, un de Herstellers tüftelt je leever an niede Diesels, as dat se wieder versöcht Strom-Autos to buun, de man ook in Alldag bruuken un de sick Otto-Normol-Verbruuker ook leisten kunn. Ick seh dat al komen: Wi kriegt bald vertellt, dat wi uns gröttere Garoschen buun schüllt, un dor kümmt denn een E-Auto, een Benziner, een vun de nieden Diesels un ’n Fohrrad rin. Un denn wurr man jeden Morn in de Norichen vertellt kriegen, mit wat för’n Fohrtüüch man jüst losschall. An leevsten je mit Rad, overs wenn man in Ketelsbüttel wohnt un in Hamborg arbeidt un sien Chef denn seggt, dat man so bummeli gegen Meddag op de Arbeid is, Klock een overs al weller losmutt, dormit man rechttiedig to’n Obendbrot to Huus is, denn kann man ook glieks no’t Arbeidsamt afbeugen. Ganz ohn‘ Autos ward dat also ni gohn, wenn de Wirtschop so as nu wiederloopen schall. Man schull mol ’n Auto erfinnen, dat mit Dummheit löppt. Dat weer ’n saubere Sook. Denn an Enn sünd wi je doch weller de Dummen un dormit harrn wi den Tank jümmers vull... In düssen Sinn
What this episode covers
Na – wat kümmt nu denn al weller? Güstern heff ick leest, dat jüst de Auto-Firma, mit de de Diesel-Schandol vör veer Johr losgohn is – Nooms will ick hier ni schrieven – nu weller ’n Diesel op’n Mart bringt. Un dat Auto schall nu ohn‘ Schummel-Softwäär dorbin so weni Stickoxide achter rutpusten, dat man dat meist gor ni mehr meten kann – weniger jedenfalls as de mehrsten Benziners. Jungedi, dat is di wat. Wo dat geiht? Ganz eenfach, de Autos ward blang Diesel noch mit Harnstoff optankt, man kunn ook Addel dorto seggen. Dat man de Addel nu overs frisch ut’n Kohstall in Tank schüffeln oder dor ook mol sülms rinmiegen kann, dat glööv ick weniger. Den Krom mutt man scheun extra kööpen. Wat heet dat nu overs för uns? Mööt wi nu de Benziners weller wechsmieten, de wi uns holt hebbt, no dat wi jüst erst de Diesels wechsmeeten hebbt? Elektro-Autos kann man je jümmers noch ni so recht betohln, un de Herstellers tüftelt je leever an niede Diesels, as dat se wieder versöcht Strom-Autos to buun, de man ook in Alldag bruuken un de sick Otto-Normol-Verbruuker ook leisten kunn. Ick seh dat al komen: Wi kriegt bald vertellt, dat wi uns gröttere Garoschen buun schüllt, un dor kümmt denn een E-Auto, een Benziner, een vun de nieden Diesels un ’n Fohrrad rin. Un denn wurr man jeden Morn in de Norichen vertellt kriegen, mit wat för’n Fohrtüüch man jüst losschall. An leevsten je mit Rad, overs wenn man in Ketelsbüttel wohnt un in Hamborg arbeidt un sien Chef denn seggt, dat man so bummeli gegen Meddag op de Arbeid is, Klock een overs al weller losmutt, dormit man rechttiedig to’n Obendbrot to Huus is, denn kann man ook glieks no’t Arbeidsamt afbeugen. Ganz ohn‘ Autos ward dat also ni gohn, wenn de Wirtschop so as nu wiederloopen schall. Man schull mol ’n Auto erfinnen, dat mit Dummheit löppt. Dat weer ’n saubere Sook. Denn an Enn sünd wi je doch weller de Dummen un dormit harrn wi den Tank jümmers vull... In düssen Sinn
NOW PLAYING
Saubere Sook
No transcript for this episode yet
Similar Episodes
Sep 17, 2025 ·24m
Jun 12, 2025 ·20m
May 19, 2025 ·25m
Jan 10, 2025 ·28m
Jan 10, 2025 ·23m