神經刀自在道(八十一)：復活節去倫敦香港人教會講乜道

十幾年冇踏上香港人教會講壇。唔係完全唔想。係同香港人教會無乜好講。時隔十多年，倫敦某香港人教會邀請我去福音主日。當然唔係因為我終於悔改聽佢哋支笛，而係因為我另類。本來我以為係去同大學生同職青傾偈談道，點知係中學生。我問自己：我幾廿歲人同佢哋講耶穌會唔會脫節？一個讀過神學、去過英國、澳洲、美國，但仲係唔知點同上帝傾嘢嘅人——有咩嘢好講？神學博士畢業後，一直半失業狀況。十八個月後，英國某宗派賞識我去佢哋教區做前衛事工，終於可以吐氣揚尾，一洗頹氣。好消息過後，八小時內收到我親人走咗，就喺我揾第一份工嘅同一時間。嗰個禱告，係我人生最唔識開口嘅一次。唔係因為唔信。係因為⋯⋯傾唔落。但係約翰福音第9章有個盲人，從來冇開口要求耶穌醫佢。耶穌仲係去咗。或者祈禱唔係你諗嗰回事。 或者傾唔落都係傾。 或者沉默都係禱告。今集神經刀自在道，嘗試簡而精講我復活節講乜道。Follow 定我Patreon主日聽：https://www.patreon.com/c/LIFESEEKSUNDERSTANDING-----有關Gofundme 神學 trading card： https://gofund.me/d03d2dd57想直接買聖經Pokeman go card? https://soloist.ai/kairos-en/payment