EPISODE · Nov 23, 2023 · 2 MIN
शेर्पा भाषा - "डरबाट स्वतन्त्रता".mp3
from ===== "जीवनका शब्दहरू", "राम्रो समाचार", "सुसमाचार गीतहरू" - नेपालमा बोलिने केही साना भाषाहरू / "Words of Life", "Good News", "Gospel Songds" - Some Minor Languages Spoken in Nepal ===== · host Nepal Good News 2
Sherpa Language - "Freedom From Fear".mp3 // यूहन्ना 1 - कोन्छ्योककी सुङ मी जुजमला फेवु1थल्माला जम्बुलिङ ज्येङ्गुप सिनाङ गोमाला कोन्छ्योककी सुङ नोक, ती सुङ ति कोन्छ्योककी मुला नोक। तमा ती सुङ ति वुतुङ के कोन्छ्योक राङ यिनोक। 2ती सुङ ति थल्मा नेज्यु कोन्छ्योककी मुला नोक। 3तमा ती सुङ नेसुर राङ कोन्छ्योककी तेरी जम्बुलिङ ज्ये नाङ्सुङ, ज्येवु ति च्यिक साङ खोकी मिसिन माजोवु यिन। 4खोरे ज्ये नङ्गुपतिवा तेरीकी ती सुङ नेसुर मिजी थोप्सुङ, ती मिजी ति मीतिवी वोसिर यिनोक। 5ती वोसिर ति नक्तोमी वुङ्ला ग्यकिनोक, यिने ती नक्तोमीकी ती वोसिरला हाक्को माथुप। 6तमा कोन्छ्योककी तङ्गुप मी मिरा च्यिक नोक, तीकी मिङ ति यूहन्ना यिनोक। 7तीकी ती वोसिरकी कोर्ला पङ्बु तेरुप ताङ ती पङ्बु नेसुर तेरी मीतिवी ती वोसिरला तेपा किशी सिनी वावु यिन। 8ती ति खुरुङ राङ वोसिर मिन, यिने ती वोसिरकी कोर्ला पङ्बु तेरुपला तिराङ वावु यिन। 9तमा मीतिवा तेरीला ठछ्येली तेरुप ती वोसिर टेङ्बु ति जम्बुलिङला फेपिन नोक। 10खो ति जम्बुलिङला राङ ज्युनोक, तमा दी जम्बुलिङ ति खोकी राङ ज्ये नाङ्सुङ, यिन्सिनाङ जम्बुलिङकी मीतिवी खोला ङो माशेनोक। 11खो खोरे लुङ्बाला फेप्सुङ, यिने खोरे मीतिवी राङ खोला सेमला माला। 12यिने सु सुकी खोला खोरो सेमला लानी खोला तेपा क्यावे, खोकी तिवाला कोन्छ्योककी पुज्युङपुम च्युङ्गुप ओङ्ज्येन नाङ्सुङ। 13तमा तिवा ति मीकी ठक याङ्ना सेम नोजु याङ्ना मीकी नोवा नेसुर क्येवु मिन, यिने कोन्छ्योककी नोवा नेमा क्येवु यिन। 14तमा ती सुङ ति मी जुजमला दाक्पी पर्ला ज्युसुङ। खोकी मोवा ङ्यिरा थोङ्सुङ, तमा ती मोवा ति कोन्छ्योककी च्यिक राङ वोतुप खोकी सेवुकी मोवा यिनोक। खो ति छासे कटिन ताङ टेङ्बुकी क्येङ नोक। 15यूहन्नाकी खोकी कोर्ला थोर ग्यप्नी दुक सिनी मीतिवाला पङ्बु बिन्सुङ, “दी मी तीकी कोर्ला ‘ङ सिनाङ ज्युक्ला मिरा च्यिक फेप्कितो, खो ति ङ सिनाङ चोछ्ये वे, च्यिलासिसिन खो ति ङ क्येप सिनाङ गोमाला के ज्युनोक।’ सिनी ङे सिक्यावु ति खो राङ यिन।” 16खोकी छाछिङी नेमा दाक्पुला नरीकी नरी कटिन मङ्मु थोप्नी वे। 17कोन्छ्योककी ठिम ति मोशा नेमा राङ ङ्येतुप यिन, यिने कटिन ताङ टेङ्बु ति येशू ख्रीष्ट नेमा वावु यिन। 18सी साङ नाम्साङ कोन्छ्योकला माथोङ वे। यिने पपा कोन्छ्योककी मुला च्यिक राङ वोतुप खोकी सेवुकी कोन्छ्योक सु यिन सिरुप ति दाक्पुला छ्या तेन्सुङ।
Embed this episode
Ready to play
शेर्पा भाषा - "डरबाट स्वतन्त्रता".mp3
No transcript for this episode yet
Similar Episodes
No similar episodes found.
Similar Podcasts
No similar podcasts found.