EPISODE · Nov 22, 2023 · 46 MIN
शेर्पा भाषा - "जीवनका शब्दहरू"/w/ल्हासा गीत.mp4
from ===== "जीवनका शब्दहरू", "राम्रो समाचार", "सुसमाचार गीतहरू" - नेपालमा बोलिने केही साना भाषाहरू / "Words of Life", "Good News", "Gospel Songds" - Some Minor Languages Spoken in Nepal ===== · host Nepal Good News 2
Sherpa Language - "Words of Life"/w/ LHASA Song.mp4 // १ कोरिन्थी 13 - ङ्यिङ्ज्ये कितुप कोर्ला1दोजो ङे मीतिवी तेरी ग्येतामला ताङ देवाच्येनकी लेन क्योलुप थुतिवी ग्येतामला लाप्सिनाङ ङे सेमला ति ङ्यिङ्ज्ये मेसिन ङ ति ठिङ ठिङ सिरुप टिलुक ताङ ज्याङ ज्याङ सिरुप बुक्शल दोके तिराङ यिन। 2ङे मुला नम्दर शेतुप कटिनकी ङ्येम्बा साङ वे, तमा ङे मुला सुला साङ हाक्मोकोवु छ्याकला वोतुप ताम्ङे हाक्कोवु ताङ तेरी येन्देन शेकिवी, तमा रीतिवा साङ दोक थुपुप तेपा ति ङला वोसिनाङ ङे सेमला ति ङ्यिङ्ज्ये मेसिन ङ ति काङ साङ मिन। 3दोजो ङे मुला वोतुप नोर टोङ्बातिवा तेरी पेराङ्बुतिवाला गोनी बिनिन, तमा मीतिवाला छ्या देन्दुपला ङे जु तिरुङ मेला र्हेकुपला बिन्सिनाङ ङे सेमला ङ्यिङ्ज्ये मेसिन ङला काङ साङ ख्येप्साङ मेङ्गिवी। 4सेमला ङ्यिङ्ज्ये वोतुप मी ति हम क्यानी दे थुप्किवी, मी यम्बाला साङ च्यम्बा किवी, ठतोक मिकिवी, तेके मिकिवी, छ्येजु साङ मिकिवी। 5तमा सेमला ङ्यिङ्ज्ये वोतुप मी तीकी ताङ्देन मेतुप किताङ नालु मेलोवा मिकिवी, खुरुङला तिराङ नासाम मोतोङ्गिवी, ङ्यिर्मु मिकिवी, मी यम्बी खुरुङला मेलोवा क्यावु ति नासाम मोतोङ्गिवी। 6सेमला ङ्यिङ्ज्ये वोतुप तीकी दुक्टा कितुपला गा मिकिवी, यिने ताम्ङे टेङ्बुला तिराङ गा किवी। 7सेमला ङ्यिङ्ज्ये वोतुप मी तीकी तेरी ताम्ङेला छेटाङ वोसिनाङ हम क्यानी देकिवी, तेरी ताम्ङेला तेपा किवी, तेरी ताम्ङेला रेवा किवी, तमा नरी ताम्ङेला डेकला देकिवी। 8नम्दर शेतुप ताम्ङेतिवा तोर्नी डिवी, ग्येतामतिवा साङ तोर्नी डिवी, येन्देनतिवा साङ तोर्नी डिवी, यिने ङ्यिङ्ज्ये कितुप ति नाम्साङ तोर्नी मोडोवी। 9तन्दा ति कोन्छ्योककी चुक क्यानी लाका क्या नङ्गिवी सिरुप ति दाक्पुला तेरी हाक्मोकोवी, दाक्पी नम्दर शेतुप ताम्ङे साङ तेरी मेछेवी। 10यिने कोन्छ्योककी तेरी ताम्ङेतिवा हाक्कोवु तुजे लेप्सिमा दाक्पी हाक्माकोवु ताम्ङेतिवा तेरी हाक्कोकिवी। 11ङ आङा टिक्पे वोतुप पेला आङा टिक्पेकी दोके राङ ताम्ङे लप्किवी, हाक्कोवु साङ आङा टिक्पेकी दोके हाक्कोकिवी, नासाम साङ आङा टिक्पेकी दोके तोङ्गिवी। यिने ङ नाज्युङ गल्सिमा आङा टिक्पेकी दोके किताङ नालुतिवा तेरी क्युरिन। 12तन्दा ति दाक्पी कोन्छ्योकला छल्नी ल्हासिनाङ ल्यामो क्यानी मोथोङ्गिवी, यिने ज्युक्ला ति दाक्पी कोन्छ्योकला ठछ्येली थोङ थुप्किवी। तन्दा ङे चेयी तिराङ हाक्कोकिवी, यिने तुजे छेसिमा कोन्छ्योककी ङे थोक्ला तेरी ताम्ङे ठछ्येली हाक्कोवु दोके ङे साङ तेरी ल्यामो क्यानी हाक्कोकिवी। 13तुक क्यानी तेपा कितुप ताङ रेवा कितुप ताङ ङ्यिङ्ज्ये कितुप दी सुमतिवा ति नरी लुकिवी, यिन्सिनाङ दिवा सुमकी पर्ला खक्छ्येवु ति ङ्यिङ्ज्ये कितुप राङ यिन।
Embed this episode
Ready to play
शेर्पा भाषा - "जीवनका शब्दहरू"/w/ल्हासा गीत.mp4
No transcript for this episode yet
Similar Episodes
No similar episodes found.
Similar Podcasts
No similar podcasts found.