सन्ताली क्रिश्चियन गीत-"Seterakanan amak janga then kissunsdb".mp4

Santali Christian Song.mp4 // 1 KORINTHIKO 15 - Jisu Mạsiakʼ jiwetʼ beredokʼ reaṅ1E boehako, ape oka bhage sombat iń porcaratʼpe tahẽkan, ona bhage sombat reakʼ kathageń disạ ocoyetʼpea. Ape do onape ataṅakada ar onarepe teṅgo ṭarhao akana. 2Okaṭakʼ kathań porcaratʼpe tahẽkan onage kajakte sapʼ akaepe tahen khan enḍekhan ona bhage sombat hotete kại khon bańcaope ńametʼa, khạjuk apeakʼ pạtiạu ạuṛiakʼ alo hoyokʼ. 3Ente okaṭakʼ iń ńamakatʼ ona do sanam khon jạruṛanakʼ mente ape hõń emakatʼpea; ona do hoyokʼ kana sonot sostor reakʼ katha leka Mạsi do aboakʼ kại gunạkʼteye gocʼlena, 4are topa ocolena, ar sonot sostor reakʼ katha leka pe mãhã hilokʼre gocʼko khone jiwetʼ beretʼ ocoyena, 5uni do Patras ar tayomte acʼren apostolko ṭhene ńel ocoyena. 6Ona tayom uni do mitʼ dhãote mõṛẽ sae khon hõ ḍher boehako ṭhene ńel ocolena. Onko modre adom doko gocʼ akanre hõ ḍher hoṛge ńitokʼ hõ jiwetʼ menakʼkoa. 7Ona tayom uni do Jakob ar tayomte sanam apostolko ṭhene ńel ocoyena. 8Ar sanamko tayom do iń lenda ṭũriạ ṭhen hõe ńel ocoyena. 9Ente apostolko modre ińge sanamko khoniń nicạṛgea, ar apostol ńumugokʼ lek hõń baṅkana, ente Isorakʼ manḍerren koń khedletʼkoa. 10Menkhan ńitokʼ okań hoeakan ona do Isorakʼ dayategeń hoeakana. Iń cetanre uniakʼ daya do baṅ ạuṛiakʼ akana; ar eṭakʼ sanam apostolko khon iń do ḍheriń khaṭao akana; ar eken ińiń khaṭao akan ona do baṅ bickom ińre Isorakʼ daya hõ tahẽkana. 11Ona iạte ińge baṅ cetʼ ar onkoge baṅ cetʼ, ale do noa reaṅle porcareda ar ape do onagepe pạtiạuada.