Սթարմուս | «Մենք չենք օգտագործում ուրիշից վերցված սարքավորումներ, ամեն ինչ պատրաստում ենք մեր նախագծածով և Հայաստանում»

Բիոինժիներիան գիտության նոր արագ զարգացող ճյուղ է, որը մարդու օրգանիզմը կապում է սարքավորման հետ։ Միջանկյալ նշանակություն ունեցող սարքավորումները, որոնք հնարավորություն են տալիս մարդուն և սարքավորմանը իրար կապել, կոչվում է բիոնիկա։ «Հայ բիոնիկ հենդ»-ը գիտությունն օգտագործում է պրոթեզի ղեկավարման նպատակով, այն մկաններից վերցված իմպուլսներով է ղեկավարվում։  Նման պրոթեզների արտադրություն Հայաստանում երբևէ չի եղել, միայն ներմուծվել է, սակայն այսօր Հայաստանում արտադրում են պրոթեզներ, որոնց գինը շատ ավելի ցածր է, իսկ ֆունկցիոնալությունն՝ ավելի բարձր։ Դրանք հաճախ գերազանցում են այլ երկրների արտադրանքին։  Պրոթեզները վաճառքի ենթակա կլինեն մոտ ապագայում։