Studentersamfunnet på radio: Dag Olav Hessen om tredemøllekappløpet

Kvifor ynskjer me å overgå kvarandre, sjølv når det ikkje er bra for oss? Dag Olav Hessen kjem for å snakke om konkurranse som fenomen og paradoks. Kvifor kan ikkje trea i skogen nøye seg med å bli eit par meter høge? Kvifor forsøker politikarar alltid å overby kvarandre i løfter når det er valkamp? Når to artar, eller for den saks skuld politikarar, utviklar seg i samme tempo er det som dei står på staden kvil. I den biologiske evolusjonen er det naudsynt å vera i konstant utvikling for å oppretthalde suverenitet i høve til andre artar. Dette prinsippet gjeld ikkje utelukkande i naturen, men òg på marknaden, i idretten og i andre sosiale relasjonar. Med andre ord ligg det same prinsippet bak ei sjøløve på partnarjakt, som for tilsette som ynskjer å imponera sjefen litt ekstra. Alle individ, uansett art, vil alltid forsøke å fremja seg sjølv føre andre. Kva er denne styrande krafta, og kva implikasjonar har den for oss og samfunnet vårt?