‘Suid-Afrika se RNE moet afsien van vernietigende arbeidsregulasies, en strukturele werkloosheid beveg’

Die Vryemarkstigting het ’n beroep op die nuwe regering van nasionale eenheid (RNE) gedoen om af te sien van vernietigende arbeidsregulasies en om hindernisse te verlaag vir toetrede tot die Suid-Afrikaanse arbeidsmag. Dr. Morné Malan van die Vryemarkstigting het met OFM se nuusredakteur hieroor gesels nadat die nuus bekend geword het dat die land se werkloosheidsyfer in die tweede kwartaal van 2024 tot 33,5% gestyg het vanaf 32,9% in die eerste kwartaal.