Tala Fou mai Samoa : Fagafua Epati Tamati

O Seine Stowers le Siamupini a Samoa i le aupaga 77kg lea na ausia le Pine auro mataina i Glasgow Sikotilani i taaloga a Malo o taupulega.Na ia tatae'a foi le rekoti o le si'i malele(snatch) faapea le si'i malolo(clean and jerk) e ui na fai mai faamasino sa le taulia.O Seine Stowers e na o le sefuluvalu ona tausaga ma o lenei matatia ua fofola mai ai lona lumanai manuia mo tausaga e tele e ono ausia ai nisi matatia.O le alii ia John Tafi leisi pine a Samoa mai le 71kg a alii na manumalo ai i le Pine Siliva.O le maoae pea o le tausinio a Samoa i taaloga siisii uamea mamafa i le lalolagi ua filifilia ai foi le Peresetene ia Tuaopepe Jerry Wallwork e avea ma Peresetene o le Commonwealth Weightlifting Federation i se matati'a maoae.Mo nisi Tala fou mai Samoa i vaiaso taitasi faafofoga mai i le SBS Samoan i Aso Lulu 2pm ma toe faasalalauina i le 10pm po Aso Lulu.O le polokalame lona lua o le vaiaso i Aso Faraile 2pm e toe faasalalauina i le po o le Aso Sa 10pm.