Talk Your Walk Foundation Jesse Sene Lefao o i Samoa e fai Seminar lakapi liki i aoga i Samoa

O loo iai nei i Samoa le Susuga Jesse Sene Lefao se sui muamua o le toa Samoa mo se malaga fesoasoani ma ni sui o Samoa o leoleo i le NSW police force mo ni workshops.E toavalu le au malaga mai .O lenei malaga o loo lagolagoina malosi e le Ofisa turisi Samoa ia faasoa lo latou tomai ma fautuaga i tatou tupulaga ma tagata i Samoa nei. Ua malaga atu nei i Savaii ma ua asia afioaga ma aoga mo le tauaaoina o ni meaalofa ma mea taalo e leai se taui. O nei alo se toatolu o Samoa sa logologoa i le Toa Samoa ma le lakapi liki ua ritaea nei ma ua o latou faatuina lenei auaunaga o le Talk Your Walk Foundation. O lenei faamoemoe ua o latou faasoa atu ai i fanau ma i latou o loo saili avanoa mo ni manuia i taaloga,galuega ,matata eseese ma faamalosi iai e ala i latou savaliga mai i taaloga faapolofesa ma fita o luitau o le soifuaga. O Quentin Togaga'e Laulu e manatua pea o se tama liki na faatoa debut i le 33 o lona soifua ma ia faamanatu i le toatele e aua le fiu gofie. O Suaia Matagi lea na taalo mo le Kiwis ma le Toa Samoa na ia faaalia foi le faigata o lona soifua taalo ma lona olaga i tua atu o le malae ae na faaeaina lava o le lagolago a matua,aiga ma le finau. O Jesse Sene Lefao na taalo mo Manly ma le Super league aemaise le Toa Samoa na ia saunoa e leai seisi lagona fiafia i le toe foi mai ma faafoi se tautua mo Samoa ma ona tupulaga lalovaoa.Mo Tala mai Samoa,Ausetalia ma le lalolagi atoa faafofoga mai le SBS SAmoan.